إقتباس من المتكلم :

{ شاهدنا أن هناك بنات تسع لهن القدرة على النكاح ما للكبيرات من بنات العشرينات وما فوق }

1- "شاهدنا" .. دى بالصلاة على النبى جمع تفخيم أم جمع جماعة ؟؟

2- شاهدتم .. إمتى ؟؟ .. وفين ؟؟ .. وإزاى ؟؟

3- وإزاى من المشاهده عرفت فقط اللى عندها القدرة من اللى معندهاش القدرة .. 

يا مفتى يا شقى يا خلبوص !! .. 

وأخيرا يا مفتى الهباب .. هو النكاح عندك سرير فقط ؟؟  .. أم مشاركه حياة ومسؤليه منزل وغسيل وطبيخ ورعاية زوج وأولاد .. مين دى يا أهبل اللى شفتها فى عمر التسع سنين اللى تعمل الحاجات دى ..

حظك كويس معايا .. أنى سمعت الخبر دا فى نهار رمضان وأنا صايم وإلا كنت لبخت لك وللى جابوك .. أصلى أنا ما بأحبش الحال المايل ..

وحول تزويج صغيرات قال العبيكان "الأب إذا كان له مصلحة ظاهرة من تزويج صغيرته قبل سن بلوغها فلا بأس بذلك، على أن يكون لها الخيار إذا كبرت في البقاء أو فسخ عقد النكاح"، مشيرا إلى أنه لم يشع تزويج صغيرات على عهد صحابة النبي -صلى الله عليه وسلم- فيما عدا حالات ظهرت فيها المصلحة.

http://www.alarabiya.net/articles/2008/09/06/56115.html

أي يجوز عندهم تزويج البنت الي لساتها في اللفة وبعد أن تكبر ويكون عندها دستة عيال ،عندها يحق لها طلب الطلاق، والذي سيتم بكل يسر وسهوله طبعا.



المشكلة أنهم بيركزوا على تزويج الاطفال بإعتبار أن ذلك سنة للرسول حسب زعمهم ، بس كتبهم ذاكرة أن الرسول عليه الصلاة والسلام تزوج أم سلمة وهي بعمر الثمانين ،طيب ليه مابيقتدوش بالرسول في هذه المسألة؟

وشهر مبارك

كل عام وأنت طيب بمناسبة شهر رمضان المعظم

أنا يدخل رمضان من هنا وحالى يبقى حال من هنا .. لا أطيق واحد على ألف من الخطا ( مأعرفش ليه ) وحظه يبقى مهبب اللى يبقابلنى وهو بيعمل خطأ ..

أنا مش فاهم كيف يكون الزواج قبول وأيجاب والبنت لم تصل لسن رشد ..

كيف يقول العبيكان {الأب إذا كان له مصلحة ظاهرة من تزويج صغيرته قبل سن بلوغها فلا بأس بذلك،} .. 

لا بأس أنه يتاجر ببنته علشان مصلحته !!!! ؟؟؟

أرد يا صنعانى ؟؟ .. بلاش أحسن  .. اللهم أنى صايم ..

 ومين اللى قال للعبيكان إن كل حاجة كان بيعملها العرب على أيام الرسول ( ص) مباحة .. طب ما هما كانوا بينكحوا ما نكح أبائهم وبيوؤدوا البنات ..

أما قولكم :

{المشكلة أنهم بيركزوا على تزويج الاطفال بإعتبار أن ذلك سنة للرسول حسب زعمهم ، بس كتبهم ذاكرة أن الرسول عليه الصلاة والسلام تزوج أم سلمة وهي بعمر الثمانين ،طيب ليه مابيقتدوش بالرسول في هذه المسألة؟}

سيدى صنعانى .. الرسول كان على ذمته عليه السلام تسع زوجات مفيهمش غير واحده فقط بكر وهى عائشة والباقى جميعهم ثيبات .. أكرر ..  . والباقى جميعهم ثيبات  وبيقولوا سنه الرسول  .. الله طب ما مشتوش على سنه الرسول  (ص) ليه فى الحته ديا بتاعة الثيبات ؟؟..

دى اسمها سنه تمشى على سطر وتسيب سطر ..

عموما من أساسة أنا لا اصدق بتاتا أن الرسول عليه الصلاة والسلام تزوج عائشة وهى بنت ست سنين ودخل بها تسع سنين ومن ست إلى تسع كان يفاخذها  زى ما بيخرفوا ..

لا وإيه  يا صنعانى .. قال وبيقولك بفلسفه وتفاهة منقطعه النظير أصل الرسول (ص) تزوجها لمصلحة أنها تفتكر الأحاديث .. الله .. طب إية دخل إنها تفتكر الأحاديث فى المفاخده .. هى المفاخده بتنشط الذاكره وإحنا ما نعرفش .. ؟؟

العرب عامة والسعوديين خاصة دول عالم مخها ضارب وعندها  شبق جنسى .. و ألفوا الحكاية ديا علشان يحللوا لأنفسهم خيالاتهم وأفكارهم المريضة ..

كل عام والجميع بخير ..

بعد التحية والسلام ..

تحت عنوان:

أصدرها الشيخ المغراوي أحد رموز السلفية

أعلى هيئة علمية بالمغرب تندد بفتوى أجازت نكاح الصغيرات

جاء التالى :

{ أكد بيان المجلس العلمي الأعلى (أعلى هيئة علمية بالمغرب) أن الفتوى التي صدرت قبل أسابيع قليلة بخصوص جواز تزويج البنت الصغيرة ذات التسعة أعوام، لا تصدر إلا من" فتان ضال مضل؛ ومن ثم لا يلتفت إليه ولا يتنبه إلى رأيه }

على الرابط : www.alarabiya.net/articles/2008/09/22/57048.html

وإذ أننى اعلن أحترامى للمجلس العلمي الأعلى بالمغرب على هذه الخطوة التصحيحيه ردا على ما يقوم به أتباع السلفيين الذين هم بمثابة أذرع الأخطبوط الوهابى القذر الذى طالت أذرعه بفلوس البترودولار والمدسوسين فى شتى الدول العربية ..

عقبالك يا مصر لما تبقى مصحصحة زى المغرب ..

بس الصحصحة حاتجيلك منين يا ولداه وأنتى فيكى رئيس قد جدو بقى عنده ثمانين سنه ومعاه زهايمر وداخل دلوقتى عدل ( بأذن الله وبدون مقاطعه ) على الشلل الرباعى الرعاش ولسة وقاعد على الكرسى بغرا عفن مع الزمن ..