يعيش المواطن شـديد الاحتمال -لأحمد فؤاد نجم

الإثنين ٢٥ - نوفمبر - ٢٠٢٤ ٠٤:١٣ صباحاً

اضيف الخبر في يوم الأربعاء ٢١ - أبريل - ٢٠١٠ ١٢:٠٠ صباحاً.

افندينا لـ احمد فؤاد نجم

************ ********* ********* ******
مقالات متعلقة :
نقد كتاب القرآن وكفي لأحمد صبحي منصور
جواب شديد اللهجة من الكونجرس الأمريكي للحكومة المصرية بخصوص سجن الشيخ عبد الله نصر
شروط المشيخة وأن تكون (نجم شباك)
المستشار فؤاد راشد : جمعة التطهير !
خالد منتصر يعيش الجوجليون ويسقط الدجالون
المسلم يعيش حياه علمانية ورغم ذلك ينبذها
ماطاب لكم من النساء..
حقوق المواطن على الدولة
ليس سارقا من يسرق حقه من المستبد .

افندينا أنعم علينا بعلاوة
تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما ! حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد... جرايد.. برامج.. يفط
*****
تؤكد بأن الحكومة.... بذكاء
و من حزمة واحدة قضت ع الغلاء
و لابد يبقى لدينا... انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا مانعرفش ليه
ماتلمح مكانه في مراية عينيه
و نقدر ندوق منه... حتى نقط
*****
مادام كل حاجة تمام ع الورق
مفيش أي داعي عشان ال! قلق
و لو مش مصدق خلاص اتفلق
ورقـنا اللي صح وكلامك غلط
*****
قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط!
*****
اذا الشعب صدى بفعل البارومة
حاتعمل حسابه ف ايه الحكومة
وهي اللي جاهزة بكرباج وشومة
عشان لوفي واحد في عقله اتخبط
*****
تعيش مصر دايما في عز و جمال
يعيش المواطن شـديد الاحتمال
و آمن تماما من الاشــــتعال
و أقصى ما عنده.... ينكت فقط

احمد فؤاد نجم

اجمالي القراءات 5844

التعليقات (1)

1 تعليق بواسطة لطفية سعيد في الخميس ٢٢ - أبريل - ٢٠١٠ ١٢:٠٠ صباحاً

[47330]

يعيش المواطن شديد الاحتمال

فعلا المواطن المصري شديد الاحتمال، فقد فتحمل فوق ما يحمل البشر ونتساءل هل سيستمر في دنيا الاحتمال أم سييتحقق فيه المثل الذي يقول اتقي شر الحليم إذا غضب !!!!!!!!! وكما قال الشاعر :
اذا الشعب صدى بفعل البارومة
حاتعمل حسابه ف ايه الحكومة
وهي اللي جاهزة بكرباج وشومة
عشان لوفي واحد في عقله اتخبط
*****

أضف تعليق

لا بد من تسجيل الدخول اولا قبل التعليق