عليك السلام دكتور احمد.ودعوتي لك ان يجعلك الله بفضله من الشهداء.ويجمعنا معكم في جنة الخلد برحمته جل وعلا. الموضوع باختصار.كنت متزوج في الامارات من سيدة مصريه وانجبنا بنت. وبسبب سوء الاخلاق انفصلت عنها واخدت بنتي ورجعت مصر.تركت بنتي مع اهلي وسافرت السويد ومرت 5 سنوات وحصلت علي الجنسيه السويديه ومازالت بنتي تعيش مع والدتي ووالدي . عندي مشكله صحية باعصاب العمود الفقري مسببه الم شديد ومأثره علي ركبتيني وبسبب كده مش قادر اشتغل بالسويد عشان اخد سكن واعمل اوراق بنتي.وكل الاشعه والتحاليل بتقول ان العمود الفقري سليم.وبسبب نتائج التحاليل مش هتقدر تساعدني الحكومة السويديه لاحضار بنتي وكمان فكرتهم عن العرب المسلمين انهم كذابين. بعد ما هداني الله تعالي لاهل القرآن.عرفت حاجات كتير مكنتش شايفها والدي كان ضابط جيش مفتري وظالم ومتحرش ببناته.حاليا عجوز ومازال بلا قلب. ام بنتي بالامارات منحرفه اخلاقيا تماما ومعترفه بذلك. حيث تتصل بي من فترة لاخري وتحكي عن مغامراتها الجنسية. بنتي اصبح عمرها 11 سنة وبدآت تعاني نفسيا من معاملة اهلي السيئة لها والضغط النفسي باستمرار عليها.والدي ووالدتي يكرهون بعض ويتعمدون ايذاء بعض علي حساب من حولهم.واخوتي البنات متزوجات وبسبب سوء تربيتهم وتدينهم السني الشعراوي يكرهون بعضهم البعض ويكرهوا والدهم ووالدتهم. سؤالي اتركها مع اهلي او ارسلها لامها؟ مازالت صحتي سيئة وحالتي المادية اصبحت سيئة ولابد من السفر لايجاد اي عمل بعتذر لحضرتك يا دكتور ع الاطالة ولكن اريد ان اعمل ما يرضي الله تعالي. الله يبارك في عمرك ويزيدك علما وهدي عليك السلام.