·        مبـارك كـان بيكـره الكــلام عن ربنا والرسـول والمشـايخ والقـرآن والمسـاجد والمــوت

·        مبارك قال: لو أطول أقلب المساجد صالات ديسكو كنت عملتها

·        قصر الرئاسة كان يدار بالسفالة والأسافين والنقار وقلة الأدب

·        زكريا عزمي كان مسيطرا علي وزارتي العدل والداخلية وجهاز الرقابة الإدارية وأمر بحبس مجدي يعقوب لأنه شتمه في التليفون

·        فرقة العمليات القذرة خطفت عبدالحليم قنديل وجمال بدوي وصفت رضا هلال بتعليمات مبارك

·        جمال مبارك جلس علي مكتب وزير الداخلية بلاظوغلي وحبيب العادلي قعد قدامه

تصوير: محمد أسد

الصندوق الاسود لقصر الرئاسة مازال مليئا بالاسرار الصادمة وحوارنا مع اللوا ء شفيق البنا مازال متواصلاً لتسليط الضوء علي أهم الوقائع والاحداث التي كانت تدور داخل قصر العروبة او المقر الرئاسي ... الحديث هذه المرة عن طريقة ادارة القصر ونفوذ اخري لزكريا عزمي وعلاقة الرئيس بالدين وقصص النساء واسرار اخري نكشفها في الحوار التالي:

> هل سيطرة زكريا عزمي اقتصرت علي جهاز الرقابة الادارية ؟

- لا طبعا هو كانت سيطرته تضم وزارتي العدل والداخلية والرقابة الادارية وعمليات الترقية والتصعيد في الثلاث جهات بتعليمات منه وسيطرته زادت في وزارة العدل لما مسك ممدوح مرعي اللي كان بيبعت هدايا لزكريا تصل لمليون جنيه

> هو اللي اتعرض ليه حسام ابوالفتوح ومجدي يعقوب بسبب خلافات مع زكريا وجمال ؟

- اللي أعرفه موضوع مجدي يعقوب كان ليه مشكلة مع زكريا وصلت أن مجدي شتمه في التليفون فسلط عليه الرقابة الادارية ودخل السجن .

> هو أحمد شفيق كان وطيد العلاقة مع الرئيس المخلوع ؟

- أحمد شفيق الوحيد اللي اتكسرت القوانين بسببه فمعروف ان قائد القوات الجوية مدته لاتزيد علي 4 سنوات واحمد شفيق استمر 6 سنوات واللي كان ماسك وكيل الطائرات الهليكوبتر اللواء قدري عبدالحميد ابن خالة احمد شفيق ووكيل جميع الطائرات كان اللواء منير ثابت، وذات مرة كان جمال مبارك له أشياء في مطار لوبورجيه بفرنسا وكلفني باحضارها وكلمت وقتها اللواء عبدالحميد هناك ولكن تأخر في التنفيذ فاستعجلني جمال مبارك وبعدها طلب مني الاتصال بالفريق شفيق كي يتصرف فاتصلت به وكان الرئيس موجودا واعطيت الفريق شفيق كل التفاصيل وبعد دقائق فوجئت بالفريق شفيق يطلب ان يكلم الرئيس مبارك واخبره بحكاية مختلفة تماما وانني طلبت منه طائرة تذهب الي نيويورك لاحضار اشياء من هناك فانفعل مبارك وقاله نفذ الكلام اللي قالهولك شفيق واغلق السماعة في وجهه وقالي شوف ابن الكلب مايعرفش اني سامع الكلام وجمال فضل يضحك .

> هل قصر الرئاسة كان يدار بهذه الطريقة؟

- القصر يدار بالسفالة والأسافين والنقار والقمار والنسوان وقلة الادب ودا كل اللي كان شغلهم ومصلحة البلد بعدين .

> هي سوزان كانت بتحس بالغلط اللي كان بيعمله الرئيس؟

- هي كانت مقهورة من اللي بتشوفه والنسوان داخلة طالعة قدامها واللي جايين من اوروبا الشرقية وأوروبا الغربية ومش قادرة تتكلم وبتبكي علي طول بسبب اللي بتشوفه واحيانا كنت باصبرها واقولها مصر مافيهاش غير سيدة اولي واحدة بس بعدها قرر الرئيس ان ينقل جلساته الخاصة في شرم الشيخ وبرج العرب.

> كيف كان يتحرك زكريا عزمي في المقر ؟

- المقر المقصود به بيت الرئيس ولا أحد يجرؤ سواء زكريا عزمي او جمال عبدالعزيز دخول المقر كان آخرهما الحديقة ومحظور علي الاثنين دخول القصر بالكامل وذات مرة استقبلت الهانم عند دخولها وكان واقفا جمال عبدالعزيز فتبعها في الدخول الا انها استدارت له وقامت بطررده صراحة .

> وما علاقة زكريا عزمي وجمال عبدالعزيز بسوزان مبارك ؟

- هي كانت بتكرهم خاصة جمال عبدالعزيز لان الرئيس كان بيصدق كلامهم ومش بيصدق كلامها هي

> من الذي استفاد من اقارب الرئيس ؟

يمكن مافيش غير عصام مبارك واستفاد من غير ما لرئيس يعرف، قابله عبدالوهاب ذكي وطلب منه شقة وقامت المقاولون العرب بمنحه شقة في مدينة نصر وعندما علم مبارك وبخ عبدالوهاب ذكي.

> ما حقيقة علاقة علاء بالفنانة شريهان ؟

- علاء مبارك ذهب مرة واحدة للتليفزيون بدعوة والحاح من صفوت الشريف وهناك فوجئ بصفوت يحضر له مجموعة من الفتيات في استقباله وكانت شريهان ضمن الفتيات وطبعا صفوت الشريف كان فاكر علاء بتاع نسوان وممكن يملكه وكان برفقة علاء اتنين حرس والواقعة وصلت للرئيس بعيد عن الحرس فقام بتغييرهما في نفس اليوم .

> في الفترة الماضية تجدد الحديث عن حادث المنصة ؟

- قبل الحادث دار خلاف بين مبارك ومنصور حسن وزير شئون الرئاسة ووزير الاعلام السابق لانه تردد بقوة ان السادات سيصدر قرارا باقالة مبارك وتعيين منصور حسن بدلا منه والخميس السابق للعرض العسكري كنت مع حسني مبارك في بيته أحضرت له شنطة السفر فسالته انت مش حتحضر العرض العسكري فقال انا حارجع يوم الاتنين في سفرية سريعة لامريكا فسألته عن سبب السفر فقال رايح أسالهم خالتي عندكم ولا لأ وضحكنا.

ويوم الحادث انا كان المفروض اكون موجودا في المنصة لكن المرحوم ابويا طلبني لاذهب معه الي طنطا فاستأذنت وسافرت معه ولم اذهب للعرض العسكري.

> ألم يكن لمبارك علاقة بمقتل السادات ؟

- انا ليس لدي دليل مادي، ولكن اعلم ان التقرير الطبي الصادر من مستشفي المعادي وقيل ان رصاصات الاسلامبولي دخلت جسم ميت والدليل ان جثة السادات نقلت وبها رصاصة واحدة فقط وباقي جسدة "مخرم " فمعروف ان الرصاص ينفذ من الجسد الميت لذلك طلب محامي الاسلامبولي بتوصيف الجريمة الي شروع في قتل ميت علي اعتبار ان رصاصات الاسلامبولي اخترقت جسد السادات بعد وفاته وبمعاينة بدلة السادات العسكرية وجد بها حروق تحت الضلع الاصغر من الخلف وهذا يعني ان هناك رصاصة اخترقت جسده من قرب وسببت الحرق ولا أحد ينسي انقطاع النور اثناء محاكمة قتلة السادات

> ظهر فيديو جديد للمنصة بعد القتل لرجل يبدو وكانه يرش شيئا من ساعته علي السادات ؟

- ده أحمد سرحان مدير امن الرئاسة أخو سيد سرحان محافظ بورسعيد ولا أعتقد ان احمد سرحان يفعل شيئا يضر السادات.

> هل مبارك كان غيورا علي البلد ؟

- هو لم يكن غيورا الا علي كرسي الرئاسة فعندما ابلغوه ان زكي بدر وزير الداخلية السابقي خطب في المواطنين بالقليوبية وقال: " انا شايل راسي علي كفي من أجل أمن مصر " فقال الرئيس بلغوا زكي بدر يقعد في بيته وما يخرجش منه الا لما اقوله لما هو شايل راسه علي كف ايده امال انا بعمل ايه في البلد فقلت له اعزله يا فندم لان الصحافة بتكتب عنه دايما انه سيئ فقالي هي الصحافة رئيس جمهورية انا اللي اعزل ومحدش ياخد مني سلطتي .

> ألم تأت علي الرئيس لحظات يشعر فيها بفقر الناس ؟

- قديما تكلمت معه عن احوال الناس في الصعيد ونسبة الفقر المرتفعة هناك واقترحت عليه انشاء بعض المشروعات هناك للقضاء علي الفقر ولكن لم يستجيب حتي ورد اليه تقرير حول عملية اغتيال اللواء رءوف خيرت وكيل مباحث امن الدولة في اسيوط وتبين ان مرتكب الجريمة مأجور حصل علي 100 جنية مقابل القتل فسألني الرئيس هل من المعقول ان يقتل احد من اجل 100 جنيه ؟

> متي ظهر أحمد عز في حياة عائلة مبارك؟

- عز اول مرة شوفته كان في مكتب جمال مبارك في شارع السعادة بمصر الجديدة وكان بيقعد معاه بالساعات ومرة دخل المكتب«ملهوف» وقال عاوز جمال ضروري فطلبنا جمال مبارك واتكلم معاه وبعدين لقيت جمال بيتصل بيوسف غالي من تليفون تاني وطلب منه فرض رسم اغراق علي الحديد اللي جاي من اوكرانيا بنسبة 20 % ولم اتخيل لحظة ان احمد عز يتطور بالشكل ده .

> من كان يختار الوزراء في مصر ؟

- الرئيس كان له شروط معينة مثل اجادة اكثر من لغة وتولي مناصب قيادية ويرسلها لبعض الجهات من أجل الترشيح، الا ان زكريا كان يتدخل من اجل تظبيط اتباعه وفي السنوات الاخيرة جمال اللي كان بيرشح الوزراء والمحافظين والمستشارين وطبعا العسكريين ليهم وضع خاص بعيد عما كان يحدث ومعروف ان المشير طنطاوي لم يسمح لاحد حتي جمال مبارك بالتدخل في شغله .

> ماذا عن اشاعات شذوذ فاروق حسني ؟

- والله انا سألت الرئيس قبل كده عن الموضوع ده باعتباره انه كان بيتردد بقوة لدرجة ان اللواء عبدالوهاب ذكي قابل عاطف صدقي وقاله يا تيفا انت جايب لنا وزير عجلة .. فالرئيس مبارك قالي انا كلفت المخابرات العامة تقوم بمراقبة 24 ساعة خلال 3 أشهر متصلة ولم يظهر عليه شي من هذا الكلام.

> ماذا تعني اسرائيل للرئيس مبارك ؟

- كان بيحبها جداً ففي مرة قال له الدكتور فاروق الجوهري انه مدعو لزيارة جامعة في اسرائيل فقال له الرئيس دول ناس محترمين وهو كان علاقته قوية جدا بشارون .

> يعني حبه لاسرائيل اكتر من حبه لفلسطين ؟

- لا هو كان بيلعب بعملية السلام وكان بيقبض مرتبا من امريكا علي دوره والمطلوب ان الفتنة الطائفية تنتشر في مصر والفوضي في المنطقة عملا بمبدأ فرق تسد ولكن بالنسبة للاخوان فاظن ان اسامة الباز اللي كره الرئيس في الإخوان لان اسامة في فترة من الفترات كان يملك مفاتيح الرئيس والخلاف اللي بين فتح وحماس كان من مصلحة مبارك انه يفضل قائم لانه مستفيد من كده وكل ما يحصل اتفاق بينهما كان هو يفسده. لان اسرائيل عاوزه كده وكان بيصدر لهم الحديد والاسمنت.

> هي سعاد حسني اتصفت ازاي؟

نفس الطريقة اللي تعرضت لها سعاد حسني اتعرضت ليها وانا في لندن وانا جالس في احد الاماكن العامة تعرف عليا مجموعة صحفيين .. طبعا المقابلة واضح انها صدفة لكن هي مدبرة ... المهم بدا واحد فيهم يتكلم عن حسني مبارك بشكل مبالغ فيه في النفاق وهما طبعا كانوا منتظرين اني اشتم عليهم فسألته انت تعرف حسني مبارك منين فقال تقابلت معه في لندن وجاوب اجابة عرفت منها انه عمرة ما تقابل معه او انه كداب وانتهي الحوار وتكررت المقابلة وكأنها مصادفة ايضاً وفور علمهم اني من مؤسسة الرئاسة عرضوا علي ان اكتب مذكراتي مقابل مليون استرليني فرفضت فتم رفعها لثلاثة ملايين استرليني وجواز سفر انجليزي طبعاً انا ايقنت ان ده كمين لتصفيتي لاني لو وافقت وابرمت معه العقد بالاضافة الي ان لقاءاتي معهم مسجلة ستكون ذريعة لاخذ تعليمات علي لتصفيتي حتي تدفن اسرار بيت الرئيس معي بالرغم اني لم انطق بكلمة عن امورهم الشخصية لانها امانة في عنقي ولو هما خانوني انا مش حاخونهم الا ان سعاد حسني قبلت عرض المذكرات سريعا فهي كانت تمر بظروف مادية صعبة .

> وبالنسبة لاشرف مروان ؟

أشرف مروان وضعه مختلف لانه راجل حويط وفاهم اصول اللعبة وأشرف كل املاكه خارج مصر أنا حضرت ايام اشرف مروان في الرئاسة كان الرئيس السادات أصدر قرار جمهوريا يضم 28 إختصاصا لاشرف مروان علي رأسها الاشراف علي تحركات القوات المسلحة ولا يستطيع ان يتحرك احد في الدولة الا باذن اشرف مروان .

> مافكرتش في يوم تستقيل من الرئاسة ؟

- فكرت مرة عام 1990 اتحججت اني مريض بالجيوب الانفية وطلبت اجازة وبعد يومين لقيت جمال عبدالعزيز بيطلبني لمقابلة الرئيس ففوجئت به يعطي تعليمات بسفري الي لندن للعلاج عند الدكتور عمر شاهين وحجزلي في فندق القوات المسلحة وهناك اكتشفت ان عندي فيرس سي فقلت بكد الرئيس حيطلب يمشيني لكن فوجئت بعد عودتي وعرضي للتقارير الطبية عليه سيبك من كلام الدكاترة دول ولاد كلب .

> الم تحدث اي حالة وفاة داخل القصر ؟

- والله في مرة كان مهندس التكييف سقط من علي السقالة ودخل المستشفي وكان اسمه عبدالله بكر فدخل المستشفي وقمت بعرض الامر علي الرئيس لعرضه علي طبيب كبير زي ياسين عبدالغفار فلقيته بيقولي سيبك منه احنا منعرفوش فذهبت لجمال عبدالعزيز فلقيته بيقولي لو ليه نصيب حيعيش حيعيش والراجل مات بعد اسبوع ومرة تاني كان فيه نجار أخرس و سمعه تقيل فشاف الرئيس فجري عشان يسلم عليه فالرئيس اسرع في خطوته وانا مسكت النجار بعدها الرئيس بيسألني الواد ده ماله قولتله هو طمعان تجبله سماعة .. فقالي كلم طه عبدالعزيز لقيت الدنيا اتقلبت وجمال عبدالعزيز بيزعق.

> كيف استقر حبيب العادلي علي مقعده طوال هذه السنوات؟

- حبيب لما عرف ان جمال هو اللي بيستلم التقارير عرف الطريق للبقاء.

جمال مبارك لما راح لحبيب العادلي في مكتبه، العادلي ترك له الكرسي يقعد عليه وقعد هو قدامه واصبح جمال هو وزير الداخلية واول حاجة عملها له سخر كل اجهزة التنصت لخدمته وخدمة اغراضه وكان بيتعامل معاها مباشرة والغرفة الخاصة باجهزة المساعدات الفنية " التنصت " كان بيتولاها واحد اسمه اللواء، ابراهيم مرتضي وجمال كان بيديهم قائمة باسماء من يرغب في مراقبتهم .

> مفكرتش في يوم تستفز الرئيس او توصله مأساة او تكشف حقيقة ما يدور حوله ؟

- والله هو عارف كل اللي بيحصل وبعدين احيانا لما كنت انفعل بشكل مبالغ فيه الاقيه يحط رجل علي رجل ويقولي يا شفيق فيه مليون في مصر يتمنوا يبوسوا جزمتي عشان ياخدوا منصب فاحس اني تجاوزت في الكلام فاصمت .

> هو كان بيحب يتسلي بايه ؟

- هو كان ليه تسلية غريبة جدا من خلال فرقة العمليات القذرة التابعة لوزارة الداخلية يعني في مرة طلب منهم تأديب عبدالحليم قنديل بالطريقة اللي اتعرض لها ومرة جمال بدوي ورضا هلال التعليمات كانت لتصفيته ومصيره يعرفه مبارك لان رضا هلال كان له علاقات بامريكا وتداخلت مع مصالح مبارك ومبارك كان بيدي التعليمات ويستني حد يحكي له التفاصيل.

وفي مرة اتصل الرئيس بالكاتب عبدالعظيم رمضان وطلب حضوره صباح باكر الساعة 8 صباحا وبالفعل حضر رمضان من الساعة 7 صباحا وفي تمام الساعة 8 الا 10 دقائق فوجئت بالسيارة الرئاسية تدخل والرئيس نازل من علي السلم وده معناه انه حيغادر القصر وعبدالعظيم قاعد في الجنينة فيقول مبارك اهلا يا دكتور أظن انك ما نمتش من امبارح مش كده هو شفيق جابلك القهوة فيرد ايوه ياريس فيقول مبارك طب متشكرين قوي مع السلامة وفي مرة تاني كلف امن الدولة باعتقال الدكتور فاروق الجوهري المستشار الهندسي للرئاسة لمدة 4 ايام وكان بيتصل يسألهم عليه فيقولوله هو قاعد بيبكي بعدها طلب احضاره القصر الساعة 7 عامل ايه دلوقتي يا فاروق فتلاقي فاروق يرد وهو مرعوب ... مبارك كان بيحب يحسس الناس اللي حواليه انه صاحب سلطة وان اي حد لازم يركع .

> البابا شنودة كان بيزور مبارك في قصر الرئاسة ؟

- انا ما شفتوش لكن كان اعضاء المجلس الملي بيلتقوا بيه علي فترات والرئيس بطبيعته مالوش في الدين ففي مرة الانبا اسطافنوس قال للرئيس تعرف ان قيمة البابا عندنا كبيرة قوي دا لو واحد عيان ولمس عبايته يشفي علي طول فرد عليه مبارك خلاص احنا نعمل مستشفي ونعلق علي سورها عباية البابا شنودة و نوقف المرضي في طابور يلمسوا عبايته بدل ما يكلفونا في العلاج وفضل يضحك

> يعني ايه الرئيس مالوش في الدين ؟

- يعني بلاش تجيب سيرة ربنا او الرسول عليه الصلاة والسلام او المشايخ او القرآن او الجوامع ممنوع الكلام في هذه الموضوعات داخل القصر الا مع علاء مبارك هو الوحيد اللي بيتقبل الكلام ... مبارك كان بيقول لو طلت اقلب المساجد صالات ديسكو كنت عملت، دا كان بيضايق من كتر المساجد اللي بيبنوها آل رشدان لدرجة انه في مرة كان بيفتتح قاعة في ارض المعارض فشاف مسجد جديد فقال ايه ده من اللي بني ده هنا فقالوله آل رشدان فقال اسحبوا منهم المسجد وحطوا عليه القوات المسلحة هم بيت رشدان مفيش غيرهم يبنوا مساجد في البلد.

> بس هو كان بيظهر في صلاة العيد وصلاة الجمعة ؟

- هو كان بيقول اوحش يوم يوم صلاة العيد بيبقي يوم تقيل .

> بالنسبة للهدايا التي كان بيحصل عليها من حكام العرب خاصة الشيخ زايد ؟

- انا اعرف انه كان ليه شنطة كل سنة وكان الشيخ زايد بيديله علي طول لدرجة استفزت اولاده ففي مرة كان مبارك في الامارات فقال له زايد اختر اي فيلا تعجبك من مجموعة فيلات مشيدة علي قمة مرتفعة فمبارك اختار احسن واحدة وكان ابن الشيخ زايد حاطط عينه عليها وعيال زايد كان بيضايقوا منه بسبب طلباته الكتير وبعد وفاة زايد طلب منهم دعم بحجة شراء قمح من الخارج فارسلوا له شيك تقريبا بـ 50 مليون جنيه وعندما تتبعوا الشيك فوجئوا انه اودع في أحد