لما يكون المُدير حرامى ،وحرامى غبى .
الحاج محمد والحاج سويلم ،والأب جورج والأخت تريزا واسيدة نفيسة ،وأولادهم وأحفادهم عملوا مصنع صابون صغير ومنفذ للبيع جملة وقطاعى ..وعينوا موظفين ،ومُدير : وانتظروا سنة ،وقالوا للمُدير إيه الأخبار مفيش أرباح ولا إيه ،العيال عايزة مصاريف تعليم وعلاج وأكل وشرب ولبس ودفع فواتير ؟؟؟
فقال معلش نصبر كمان سنة علشان كنُنا بنشترى خامات وبنظبط المصنع ومنافذ بيع جديدة ....معلش اصبروا معايا كمان شوية ..
الجماعة روحوا ووثقوا فيه وقالوا مفيش مشكلة نصبر كمان شوية .
صبروا سنة كمان ،وراحوا له المصنع :: يا استاذ مُرتضى إيه الأخبار ، فات شهر بعد الميزانية ومفيش حاجة وصلت لنا فى الحساب البنكى ليه خير ؟؟؟
رد عليهم الأستاذ مرتضى ::::
ارباح إيه وفلوس ايه ، لما ابقى ابيع بمليار جنيه فى السنة ابقوا تعالوا حاسبونى ،اقل من كده مش عايز حد يفتح بؤقه :::
فماذا يفعل أصحاب المصنع ومنافذ البيع معه ،بالله عليكم ، هل يتركوه يعبث بأموالهم ويُبذرها ويصرفها يمينا وشمالا فى الفاضى والفشخرة ،ولا يرفدوه ويحولوه للجنايات بتهمة السرقة والنصب والإختلاس ؟؟؟
==
سيادة وفخامة المُدير مؤمن بأنه ربهم الأعلى ويتصرف على هذا الأساس وليس لأحد أن يسأله أو يُحاكمه أو يُحاسبه ..((((ونادى فرعون في قومه قال يا قوم اليس لي ملك مصر وهذه الانهار تجري من تحتي افلا تبصرون ))) ..... ونسى فخامته أن رب العزة جل جلاله وحده الذى (( لا يسال عما يفعل وهم يسالون ))