ابو هريرة العسكرى وفيلم الميدان .

-

إتفرجت النهارده على الفيلم الوثائقى (الميدان ) الممنوع من العرض بأمر  العسكر فى مصر .لأنه بيفضح ممارسات مجلس طنطاوى ضد ثوار يناير ،وبيُظهر مدى كرههم للثورة والثوار من اول يوم ،وأن جرائمهم كانت ابشع من جرائم  مبارك وحبيب العادلى فى بدايات الثورة .

 المهم .انا أعتبر أن اكذب شخصية تاريخية هى شخصية  (ابو هريرة ) .وكلنا عارفين ان عمر بن الخطاب كان بيضربه بالدرة (عصاية فى نهايتها  كورة حديد ) لكذبه العام ولكدبه فى حديثه بين الناس عن النبى  عليه الصلاة والسلام ،وحبسه فى المدينة وحدد إقامته وخد فلوسه  بعد أن سرق اموال البحرين وحصل على رشوة من اهلها لما كان والى عليها . وبعد موت عمر راح عاش مع بنى أمية فى الشام وخد راحته وتبحبح على الآخر فى الكذب والنخع فى بلاطهم وخاصة فى عصر معاوية .. المهم إنى إكتشفت إنه هناك من هو أكذب منه . وفى الحقيقة هم شخصيتين . واحد صحفى واطى واطى مفيش اوطى منه والمجتمع الصحفى والثقافى عارفه تمام وبيقرف منه ،ولقبه بينهم (الحافى بن الواطى ) وهو (النهارده ) بيشتغل رقاصة بزمبلك  للعسكر يملوهاوقت ما يكونوا عايزين ،  و يفكوا الزمبلك بتاعها  فى الحتة اللى ييشاوروا له عليها .

 ..والشخصية الثانية هو  ولد  رتبته  رائد فى الجيش  ظهر فى الفيلم بكل بجاحة وفجور يتريق على الثوار  بيقول لك إيه ؟؟؟ ( ايوة احنا طبعا اللى قمنا بالثورة .ثوار إيه وبتاع إيه ) .. الغريب ان الواد ده بيتكلم ببجاحة مشفتش زيها ابدا ..

. ده ابطال الجيش اللى خلعوا رتبهم العسكرية  وإنضموا للثوار (شومان وزملاؤه  ) حاكموهم وحبسوهم وضربوهم ، ولم نسمع عنهم شىء حتى الآن ... المهم الواد ده نسى اللى عمله عسكر طنطاوى فى الثوار وخاصة المسيحيين منهم  امام مبنى ماسبيرو(الإداعة والتليفزيون المصرى )  ،وفى ست البنات ،وفى شارع  محمد محمود ـ وامام مبنى مجلس الوزراء ،وفى صفقاته الملعونة المشبوهة الغادرة الخائنة للمصريين اللى عقدوها مع الإخوان المجرمين وشربوا وراها عصير دماء الشهداء ...

لعنة الله على الكاذبين ..... اوعوا تنسوا ان الثورة مستمرة ضد الفجرة .ضد كل من يكذب ويفترى على المصريين ،وعلى كل من يحاول ان يستبد بهم او يسرق حاضرهم ومستقبلهم . لازم الكل يعرف ان مصر اولا وثانيا وعاشرا . والكل لها تبع . كل اولادها لها خدم ،وهى ماتخدمش حد ...مصر الثورة قبل اى اى حد واى جهة واى فئة ...

رحم الله الشهداء . ولعن ابوهريرة وكل ابو هريرة فى كل زمان ومكان .

معدرة الكتابة بالعامية المصرية لأنها منقولة من الفيس بوك .وهو لغته كده عامية حبتين .