دا شعب فقرى
أحمد فؤاد نجم في الإثنين 14 يوليو 2008
نظرًا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك.......نسترحمك
نستعطفك......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا في يومين شقا
عايزين نجرب الإضطهاد
ونعوم ونغرق فى الفساد
بيني وبينك حضرتك
دا شعب فقرى مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد 'غازُه' لإسرائيل
ويومين كمان ويمد النيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد 'مستوطنة '
متسلطنة ومتسرطنة
إيه اللى خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم
اجمالي القراءات
5202
أضف تعليق
لا بد من تسجيل الدخول اولا قبل التعليق
باب حدائق الانترنت
مواد منشورة على مواقع اخرى و تستحق العرض لما تقدمه من اضافة مفيدة لزوار الموقع و مستخدميه :
-
ماذا لو كان أبو القاسم الشابي حياً ؟!
-
ماذا لو كان أبو القاسم الشابي حياً ؟!
-
الجنية المصرى على مر العصور
-
الجنية المصرى على مر العصور
-
مجلة تايم الأميركية .. ما الذي يخيف من إسلاميي مصر؟
-
بالصور معجزة قرأنية اثبتها العلم الحديث للأية 26 سورة البقرة
-
كتب لا بد من قراءتها والإطلاع عليها
-
دخل حمار مزرعة رجل
-
معلومات غريبة!!!
-
سيادة الرئيس.. أوعدنى وبلاش تتعب سيادتك!
-
لنقاب الاعور بقلم لميس ضي
-
انا مصرى
-
القبض علي هشام طلعت: شكراً للإمارات
-
المشير ابو غزالة بين التجاهل والتقدير
-
لماذا "ينتعش" العنف في الجزائر؟
-
عجائب الارقام
-
قباني ... السيرة الذاتية لسياف عربي
-
الطعام لعب دورا في نضال مانديلا ضد التفرقة العنصرية
-
دا شعب فقرى
-
التنظيم الشيعي الحركي في الخليج الرمضاء أم النار؟
اخبار متعلقة
فيديو
مختار
دعوة للتبرع
مقالات من الارشيف
more
الرئيسية | عن الموقع | التيار القراني | بحث | الاتصال| اساسيات اهل القران
Copyrights (c) 2006 MAH جميع الحقوق محفوظة(amir@ahl-alquran.com)