ماجد هاشم كيلانى Ýí 2016-08-24
المقامة الحُسن ختامية .......حكالنا حنفي بن تامر وقال :-
مرّة دخلت جامع , لقيت الناس ف الجامع , صفّين شمال ويمين , واقفين ملمومين , حوالين راجل واحد , بيصلّي لله وساجد , ع الأرض وبيحتضر , شافوه بيحتضر , وبيتنفّس بصعوبة , وبيشهق بأعجوبة , إتلموا حواليه , عشان يقرّوا عليه
رجل 1 : يا بخته والله.......يا بخته
رجل 2 : هِيّا دي حُسن الخاتمة ....ما شاء الله
رجل 3 : اللهم اوعدنا يارب
رجل 4 : بيموت وهوّا ساجد ...زي الشيخ كشك – الله يرحمه –
رجل 5 : هيُبعث وهوّا ساجد زي ما أخبرنا النبي – عليه الصلاة والسلام - .
رجل 6 : أنا كمان إبن عمي مات وهوّا ساجد زي الراجل دة
رجل 1 : يا بخته والله.......يا بخته
فجأة قوام قوام , إتّدخل ف الكلام , راجل طويل ونحيف , وحِرِك أوي وخفيف
الراجل الطويل النحيف : الراجل دة بيعاني من اختناق حاد و.....لازم ننقذه
رجل 2 ( بإنزعاج ) : سيبه يا عم يموت شهيد
الراجل الطويل النحيف : انا طبيب مسلم ومن أخلاقي إني أنقذ الروح اللي ربنا خلقها , الراجل دة محتاج لإنقاذ
رجل 3 : ياعم سيبه يستمتع بمكانه اللى هوّا شايفُه في الجنة دلوقتي
رجل 4 : متاع الدنيا قليل ...ومتاع الآخرة خير وأبقى
رجل 5 : ياريت الواحد يموت زيّه
رجل 1 : يا بخته والله.......يا بخته
الرجل الطبيب : الواحد لحظة الموت بيبقى عاوز يهرب من الموت عشان يرجع للحياة تاني ربنا بيقول (وَجَاءتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ) , وبعد ما يموت بيندم انه مات وبيتمنى من ربنا انه يرجّعه للحياه تاني ويقول لربنا : ( رب إرجعون ) ايوة ربنا بيقول (حَتَّى إِذَا جَاء أَحَدَهُمُ الْمَوْتُ قَالَ رَبِّ ارْجِعُونِ) .., ياريت نِبطّل فتاوى وكلام في الدين ونساعد بعض عشان ننقذ الراجل المسكين دة ! , ونرجّعه تاني للحياة
رجل 1 ( بيأس ) : يادكتور أمر الله بيطلع خلاص ...الموت ما مامِنّوش مفر ولا لوش علاج
الراجل الطبيب , جرى بسرعة على الواحد , اللي كان ساجد , وعمل له حاجات طِبيّة , وإسعافات أوليّة , وشغل عجيب رهيب , خلّا الراجل فاق , من حالة الإختناق , ويقوم وهوّا فايق , وهادي جدّا ورايق
حنفي ( بفخر ) : سبحان الله ..فعلا صدق ربنا – عز وجل – لما قال " قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ " ..
فجأة دخل عامل الجامع , وعشان يقفل الجامع , كلّمنا كُلّنا , بخشونة كأننا , زبّالين أبوه , وأبو اللي جابوه !
عامل الجامع : يلّا يا جماعة عشان هنقفل الجامع الله يستركم ..شهّلوا شوية ..يلا خلاص الراجل بقا كويس ..كل حي يروح يشوف وراه أيه إتفضلوا
قال حنفي بن تامر : طبعا طلعت م الجامع , وأنا شايف وسامع , غضب الناس اللى بانوا , على أصلهم وكانوا , واقفين ملمومين , صفّين شمال ويمين , حوالين الراجل اللّي , كان ساجد وبيموت , ...هوّا صحيح الموت , محسوب بين الناس , كُلّها بالأنفاس , وحياتنا إليه ممر , ومافيش منه مفر , بس احنا لازم نِعمِل , اللى علينا مش نِهمِل , ونقول دة قضا ربنا , سُبحانه قال لنا : " مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً" .....والختام
دعوة للتبرع
يتوبون من قريب: افيدو ني افادك م الله.. انا من 5سنين كدة كنت ف...
المحرمات بالرضاع: أريد أن أتزوج من إمرأء ة من طرف عائلة الأم وهي...
طلب مساعدة : الأخ والصد يق الفاض ل د.أحم صبحي منصور...
لا نعرفه : لطفا هناك كتاب لكاتب مغمور كباحث اسلام ي ،...
اللمم: لوسمح ت عندى بضعة اسئلة انا فى علاقة مع...
more
هذا يحدث في كل البلاد الاسلامية وكان ما يسمى حسن الخاتمة هو التذكرة للجنة او النار فان مات في المسجد فهو الى الجنه ولو كان دخوله المسجد نفاقا وان مات على شاطء البحر مثلا فهو في النار وان كان مؤمنا عابدا اتركوا الخلق للخالق فهو وحده صاحب القرار في الذهاب الى الجنة او الى النار ولا تعطوا الناس صكوك غفران