الريس بيستهبل ... ما فيش غير كده.

استاذ واصل, المصدر فى كلمة بيستهبل او الجذر هو (  هبل ) , والهبل هو خليط من السذاجة والعبط والغباء والغشم وأشياء أخرى لم تصل الى القاموس بعد, ومنها بالطبع مشى حالك ومعلهش وكله تمام , وفتح عينك تاكل ملبن, والقائمة تطول, اما ان تقول عن الريس بيستهبل, فهى على وزن بيستعبط, والمعنى ان الشخص يحاول ان يظهر بصفة ليست فيه أصلا, او بمعنى اصح انه مش اهبل او مش  عبيط ولكن يحاول ان يظهر للجميع بمظهر الأهبل او العبيط. ان كنا قد اتفقنا على ذلك , فلنرجع الى سيادة الرئيس هل هو مش أهبل او مش عبيط, ويحاول ان يظهر فى تلك الصورة, ام ان العكس صحيح وانه فعلا به نوع خاص من الهبل والعبط والغباء والتخلف "الرئاسى" الغير متوفر لعامة الشعب, فإن كانت الإجابة بنعم للأخيرة, فالنتيجة انه مش بيستهبل. وان تشخيص سيادتك له ليس فى محله.

مجرد فصل فكاهى قصير للترفيه عن الأخوة فيما إبتلانا الله به, وكما يقال شر البلية ما يضحك, الا يذكر الجميع الصفر الكبير الذى حصلت عليه مصر فى تنظيم احدى الدورات لا اذكر الإفريقية او العالمية , وثار من ثار من الحكومة على الحصول على صفر , العملية كلها كما قال رضا, أولاد اصحاب النفوذ هم الذين تم اختيارهم لفسحه فى الصين وكمان علشان يجيبوا شوية هدايا للى ساعدوهم, ومشى حاللك وشيلنى أشيلك والأيد لوحدها متسقفش, والعين عليها حارس , وصلى على النبى , والشيش فى البقشيش ........................... الخ الخ الخ  هكذا هو الحال فى أم الدنيا ليس فى الرياضة فقط ولكن فى كل شيئ أخر من التعليم الى الصحة العامة من المواصلات الى الإسكان من الخدمات الى الإنتاج  .... الخ , والأمر لله من قبل ومن بعد.

الريس مش أهبل صدقني يا أستاذ فوزي. ده بيستهبل وعامل حاله مش عارف الأسباب وعشان كده عاوز يعمل تحقيق. يعني لو كانت مصر حصلت ميداليات من كل الألوان وحققت انجازات مش متوقعة وسمعنا الريس بيقول: عاوزين تحقيق. كنا قلنا: آه كده معقول. لأن التحقيق بيتعمل لما تحصل حاجة مش مفهومة وعايزة خبراء عشان يحددوها. الريس بيقول: إيه ده جايبينلي ميدالية واحدة، وبرونزية كمان! ميتين راجل الواحد منكم يخش من الحيط ما عرفتوش تجيبولي دهبية واحدة أعلقها في رقبتي وأتفشخر بيها قدام الرؤساء التانيين. اخص عليكو ده رئيس جامايكا اللي شعبه ما يطلعش قد حي أمبابة بيكلمني وبيقولي انو رجالته جايبينله شيء وشويات دهب وفضة وبرونز ولما سألني رجالتك جابولك ايه يا صاحب الضربة الجوية يا بو ال80 مليون ما عرفتش أرد عليه إيه من كسوفي. دي لازم مؤامرة متدبرة ومقصودة والله لنا عامل تحقيق وموديكو كلكو في داهية زي ما وطيتو راسي.

يا كبدي عليه شعب غلبان مش طايل العيش وبشوف اللحمة في التلفزيون بس، ولو طالها (في الأعياد يعني) بتطلع لحمة حمير. شعب زي ده لو حصل برونزية واحدة يبقى والله جدع ويتضربله ألف سلام. البلد كل مالها لورا زي بعر الجمال وشعللها يا شعبولة وإيييييييييييييييييييه.