أنا مصرى أبن مصرى وليا الشرف

الأحد ٢٤ - نوفمبر - ٢٠٢٤ ٠٨:٠٠ مساءً

اضيف الخبر في يوم السبت ١٢ - ديسمبر - ٢٠٠٩ ١٢:٠٠ صباحاً. نقلا عن: أهل القرآن

أنا مصرى أبن مصرى وليا الشرف

شعبيات عم أحمد فواد نجم
مقالات متعلقة :
لماذا يختزل شرف الشعوب في المرأة
ليس من حق أى مصرى سحب الجنسية من مصرى آخر
قتلتُ سري .. قصة قصيرة
أنا ضد الذين ينتخبون رئيساً لمصر
صلي الله علي النبي
تقديس البخارى فى العصر المملوكى : نقد حديث ( من عادى لى وليا .. )
( قُلْ أَغَيْرَ اللَّهِ أَتَّخِذُ وَلِيّاً فَاطِرِ السَّمَوَاتِ وَالأَرْضِ وَهُوَ يُطْعِمُ وَلا يُطْعَمُ )(الأنعام 14 )
القاموس القرآنى :(إتّخذ ـ يتخذ )( 2 ):إتّخاذ الشيطان وليا من دون الله جل وعلا :
المحمديون : إتخذوا الشيطان وليا عبدوه دون أن يروه

أنا مصرى

أنا مصرى أبن مصرى وليا الشرف

برغم المهانة برغـــــــــــــــم القرف

برغم الزبالة اللى مالية الشــــــوارع

برغم الفســـــــــــاد اللى بيه أعترف

سمو معـــــــــــــــالى رئيس الوزارة

نتيجة موظف بسيـــــــــــــط أنحرف

برغم المجاعة اللى داخلين عليهــــــا

وفينا اللى عـــــــايش حياته فى ترف

برغم البطــــــــالة فى أوضة وصالة

برغم أن أخر جنيـــــــــــــه اتصرف

برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي

وشوفوا البجاحـــــــــــــة يقولوا نظيف

برغم الســـــــــــلام اللى غرقت بناسها

برغم العيـــــــال اللى ساكنة الرصيف

برغم حكومة شعـــــــــــــارها الكلام

ورغم رئيسنــــــــــــــــا عليه السلام

ورغم أن كله يــــــــــــــا عالم بيغلى

إلا كرامتى بترخص قــــــــــــــــوام

برغــــــم إنى عايش في بلدى فريسة

ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

برغم ده كله يــــــــــــا مصر بحبك

وطظ فيهم ودا آخر كلام