إقتباس

{ وقال الشيخ خالد الدوسري أحد فقهاء الدراسات الدينية لصحيفة "سعودي غازيت" الصادرة بالإنجليزية: "كمسلمين يحرم علينا الاحتفال بمناسبة لغير المسلمين }

أما كاذب أما جاهل ..

فسبحانة وصف الزواج بأنة ميثاق غليظ بين الزوجين ..

سبحانه وصف انة خلق الرحمة والمودة بين الزوجين ..

سبحانة أحل للمسلمين أن يأكلوا من أكل اهل الكتاب ..

سبحانة أحل للمؤمنين الزواج من المحصنات من آهل الكتاب ..  



أنا مسلم متجوز مسيحيه كاثوليكية (مُحلل الزواج منها بنص المائدة 5 ) وبأتعزم على طعام الغذاء فى عيدهم يوم 25 ديسمبر أقوم اقول لمراتى ربنا اباح الزواج منك وحرم الغذاء فى بيت أمك فى العيد  والباقى مسموح !! .. يا عينى على المودة والرحمة بين الزوجين !!! .. دا شغل عيال أرضى (انا مخاصمكم فى اليوم دا ) مش مودة ورحمة الخالق وحاشا لله ..

انا كنت فى أمريكا يوم "الثانكس جيفن" والأكل تقريبا ببلاش فى اليوم دا فى كل المطاعم اقوم أقول لهم ربنا فى كتابة قال كلوا من أكلهم بس بلاش تاكلوا يوم الثانكس جيفن !! ..

أنا لو رديت الرد اللى يتناسب مع كلامك يا دوسرى اللى زى برطعه "؟؟؟؟؟؟" سيوقفونى  ..

معنديش غير خربتوا الدين الإسلامى بجهلكم أيها الجهله ..

لو راجل رد  أيها الدوسرى  .. أو حتى أى واحد غيرك وأنا فى الإنتظار ..

نفسى والله يردوا ,, دول العن من صناديد قريش على الاقل بتوع قريش كانوا بيقولوا انهم ضد الاسلام اما دول فمحسوبين على الاسلام ويقوموا بتشويهه وفرض وصايتهم عليه

على فكرة انا كمان كنت متزوج من كاثوليكية بس من 25 سنه كده وكانت الامور عادى خالص

الرابط ده هتلاقى فيه جهابذة الوهابية وهم يطلقون سمومهم على عيد الحب خصوصا والاعياد عموما

http://saaid.net/mktarat/7oob/index.htm

ولك اطيب وارق تحياتى واحترامى

بعد التحيه والسلام

بالمناسبة أعجبنى جدا جدا جدا تعليقكم الذى على الرابط :

www.ahl-alquran.com/arabic/show_article.php

حفظكم الله من كل مكروه وأنعم عليكم ومن تحبون بالصحة والستر والسلام عليكم.

بص أنت بقى تعمل إيييييييية ..

1- تقترح على المهابيش بتوع بلدكوا إنهم يعملوا يوم 14 فبراير عيد إسمه إحياء السنه المزورة ..

وفى العيد دا تجيبوا عروسة كاوتش وتحطوها فى حفرة ... وتلموا المهابيش بتوعكم وتنزلوا فيها رجم .. فقوووم إيه  .. تغيظوا الكفار .. وطالما إتغاظ الكفار .. يبقى ربنا ( على حد قولكم ) ..  راضى ( حاشا لله ) ..

2- تحطوا على العلم بتاعكم شوية طوب وتقولوا دا طوب الرجم المطهر ..

3- تمنعوا بقوة القانون نقل الدم يوم 14 فبراير لآن الدم لونة أحمر والأحمر رجس من عمل الشيطان يوم 14 فبراير .

4- تحرموا وتمنعوا السراير لان السرير ممكن يحدث عليه زنا ..

5- تحبسوا اى بنت باست أبوها أو أمها لآنها كدا اخذت على البوس  .. وبقت متعودة ودايما ..

وصدقنى واحلى من الفرجة على المهابيش مفيش ..

إلحق يا دوسرى شوف اللى حصل

حركة بيع كثيفة تستبق تشديد المراقبة والتجار يتحايلون على "المطوعين"

متاجر سعودية تتحدى منع "عيد الحب" وتتزين باللون الأحمر.

على الرابط : www.alaswaq.net/articles/2008/02/13/13936.html

بص بقى  .. بدل ما تكفر فالنتين داى وبعدين ولاد الأبالسه يطلعوا بتقليعة تانية .. أنت بقى هات من الآخر ...

إطلع على الصين .. هما بقوا لهلوبة فى كل حاجة .. إعمل إوردر بأحزمة العفة على نصف تعداد البلد ... وكل حزام من دول له مفتاح  غير التانى ..

توزع الأحزمة  .. والمفاتيح تبقى مع هيئة الأمر بالمعروف والنهى عن المنكر .. ولمنع غيرة الرجال من يحمل المفاتيح يكون من غير ذوى الآربة  وضرير كمان ..

وتعمل خط تليفونى ساخن (999 او حاجة زى كدا )  يغطى إحتياجات البلد كلها ..

الزوجين من هنا طالبين فتح القفل يكلموا الخط الساخن مع ذكر رقم القفل ومكانهم  ...

قووم إيه .. واحد من غير ذوى الاربة الضرير يطلع بالمفتاح المطلوب  "هوم ديليفرى" على المكان المراد ومعاه واحد مبصر ..

المبصر يتأكد من أن الطالبين متزوجين .. والضرير يفتح القفل ويقعدوا مستنيين برة لحد ما يندهوا عليهم علشان يقفلوا القفل مرة تانية ..

كدا بقى يبقى انت جبت من الاخر .. يعلموا فالنتين داى يعملوا بخارى داى .. انت مروق بالك وفى السليم ..