قصيدة عشان انت مصرى .. احمد فؤاد نجم

الثلاثاء ٠٩ - يونيو - ٢٠٢٦ ٠٢:٤٧ مساءً

English | عربي

اضيف الخبر في يوم السبت ١٠ - نوفمبر - ٢٠٠٧ ١٢:٠٠ صباحاً. نقلا عن: جبهة انقاذ مصر

قصيدة عشان انت مصرى .. احمد فؤاد نجم

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك

مقالات متعلقة :

فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

اجمالي القراءات 122994

التعليقات (2)

1 تعليق بواسطة AMAL ( HOPE ) في الأحد ١١ - نوفمبر - ٢٠٠٧ ١٢:٠٠ صباحاً

[13189]

شيخنا الجليل الشاعر احمد فؤاد حسن , قصيدتك جميلة ولكن ؟؟

قصيدة جميلة تعبر عن واقع حال , و ليس في مصر فقط بل في الكثير الكثير من الدول في العالم .
وبعد كل ما ذكرته من معاناة الانسان العادي والذي لا تهمه السياسة والسياسين والسلطة والسلطويين , لم افهم السطر الاخير من القصيدة واللي هو:
مش انت اللى مصرى؟؟؟ جتك القرف

اليس هذا وكما نقول نحن العراقيين فوق حقه دقه , اليس معنى جتك القرف بانه يرمي بالذنب كله على المواطن المصري العادي في سبب كل ما يتحمله من صعوبات ومعاناة في حياته اليومية بقبوله الوضع الحالي , وحسب ما اعتقد قد يكون للمواطن العادي الذنب ولكن ليس كل الذنب ولا يجوز ان يقال له :

مش انت اللى مصرى؟؟؟ جتك القرف

ام انا غلطانة في فهمي ( جتك القرف ؟؟)

2 تعليق بواسطة عثمان محمد علي في الأربعاء ٠٦ - أغسطس - ٢٠٠٨ ١٢:٠٠ صباحاً

[25297]

إستراحه شعريه مع الأستاذه- إيمان بكرى

www.arabtube.tv/videos/Shows/_Lamees_El-Hadidi/Lamees_El-Hadidi__Eman_Bakry

أضف تعليق

لا بد من تسجيل الدخول اولا قبل التعليق