زوجى فاسق

آحمد صبحي منصور في الثلاثاء ٢٨ - مايو - ٢٠١٣ ١٢:٠٠ صباحاً

نص السؤال
السلام عليكم,انا واقعة في مشكلة كبيرة و مش لاقية ليها أي حل غير اني اتطلق و اتمني ان حضرتك تساعدني . انا عندي 26 سنة , اتجوزت من 3 سنين و عندي بنت عندها سنتين و دلوقتي حامل . انا من ساعة ما اتجوزت و اكتشفت ان جوزي بيشرب حشيش , و حصلت بيننا مشاكل كتير أوي بسبب المشكلة دي و كان دايما بينكر ان الحشيش دة بتاعه و حتي لو اعترف انه بتاعه بيعتذر و بنرجع نتصالح تاني . اكتشفت انه عمره ما بطل شرب و لا هيبطل , لدرجة ان اخر مرة بنته لقت الحشيش و كانت حطاه في بقها و انا خدت بالي منها و رميته من ايديها . ساعتها انا كنت هسيب البيت , بس رجع يعتذرلي و بكي و اقسم بالله ميت يمين انه عمره ما هيعمل كدة تاني . بصراحة انا ما شفتش حشيش في البيت بعدها بس كنت بلاحظ عليه اثار شرب الحشيش و خاصة اني عارفة و هو شارب بيبقي عامل ازاي.كنت بقول مادام ماشفتش الحشيش بعيني بلاش اتكلم و اعمل مشاكل . انا زوجي بيشتغل في السياحة و من شهر تقريبا سافر روسيا . كان معايا الباسورد بتاع الفيس بوك بتاعه كان هو اداهولي و نسي , دخلت لقيته بيكلم واحد صاحبه و بيحكيله ان هو مبسوط هناك و انه بيعمل كل حاجة حرام ممكن حضرتك تتخيلها . لدرجة انه وصفله العلاقة الحميمية اللي بتحصل بينه و بين الروسيات . و ان هو مقضيها كمان شرب خمرة و مش بس كدة دة كمان شغل الكاميرا لصاحبه عشان يوريله الخمرة اللي هو بيشربها . انا لما شفت الكلام دة أغم عليا و حصل ليا شلل مؤقت في رجلي و الجيران كسروا عليا الباب و قوموني . بعد لما فوقت كلمته و انهرت في وشه و طلبت منه الطلاق و اصريت عليه .طبعا انكر كالعادة كل الكلام اللي شفته و اتهمني اني اتجنيت . انا حصلي حالة اكتئاب و ما اتكلمتش مع اي حد بعدها حتي اهله . و لما أهله لقوا اني مش برد عليهم جم البيت , انهرت في وشهم و اتهمتهم انهم ما ربوش ابنهم علي اصول ولا دين . كان رد فعل اهله في منتهي السلبية و ابوه اتهمني اني بقول كدة عشان عايزة اتطلق من ابنه و امه قالتلي هو بيقول انه ما عملش حاجة و صدقوه بالرغم انهم عارفين انه علي طول بيكدب .مش بس كدة يا , انا كمان عرفت انه بيشتغل هناك في الخمرة يعني كمان فلوسه حرام .انا مش عارفة اعمل ايه . هو المفروض انه راجع كمان اسبوعين و انا عايزة اخد حل جذري , انا بالنسبة لي دة حد ما بيعرفش ربنا ولا بيعمل اعتبار لبيته و لا لبنته ولا لاي حد .. انا عايزة اربي ولادي بالحلال , هو بالنسبالي مات خلاص و مش قادرة اسامح و عمري ما هسامح و عايزة اعرف رأي الدين ايه في حد زي دة مفيش كبيرة الا و عملها و كمان مجاهر بالمعصية و مصر علي الذنب..أنا أسفة لو كنت طولت علي حضرتك , بس انا فعلا مش لاقية حد يساعدني .!!
آحمد صبحي منصور

 1 ـ من حقك قانونا طلب الخلع ، وطلب الطلاق للضرر . وهذا أمر مرجعه اليك .

2 ـ ونصيحتى أن تمسكى ورقة وقلما ، وتقسميها الى عنوانين : الأول : ماذا سيكون حالك انت وابنتك عندما تتطلقين .. أحوالك المادية والنفسية والاجتماعية كمطلقة ، ومستقبل حياتك ..وكل التفصيلات التى تتصوريها ، وانت الأعلم بها . العنوان الثانى : لو استمرت الحياة بينكما من أجل البنت ، والمولود القادم . وامكانية إصلاحه ، أو تحمله بعيوبه . والرضى بالوضع .. ثم تقارنى بين مزايا وعيوب الاختيارين . وتنتهى الى إختيار بينهما .

وادعو لك بالتوفيق والسعادة .

اجمالي القراءات 15563