شرفاء الشرطة وحماة الأمن
أبيات منظومة تحية لشرفاء الشرطة لموقفهم الأخير

أحمد الجَحَاوى في الخميس ٢٠ - يونيو - ٢٠١٣ ١٢:٠٠ صباحاً

الأبيات التالية أكتبها تحية للسادة شرفاء رجال الأمن بعد إعلان موقفهم الواضح خلال إجتماعهم الاخير بنادى الشرطة بمدينة نصر.

 

 

أنا كان عهدى ويّا الحـــاكم       تابـع له ومصيرى فإيديه

ضـد الشعـب وضـد الحـــق      وويّا الظلم وضهر أنا ليه

أشتم وأضرب وأسحِل وأتل       وأكون بس حماية للبيــه

ونظام فاسد خادع كــــاذب        جاهــل إللـى يمجّد فيــه

سرق الحلم وخطف الثورة        وخان الحُلفا مُناصِريــه

 

ولاؤه أمريكا وِا حليفتهــا          وزعل المصرى دا طظ فيه

أفل المصنع مشّى السايح          والمستثمر  -    خلّى إيـــه؟

عَيّن أهلـُـه   فـ كل حتّــة          وباع الدولــة    لـ مُريديـــه

 

لاعاد فيها أمن لا لاقيين لقمة     وقالوا دى النهضة دى نهضة إيه؟

شق الصــف  وفَتَن الأُمــــــة     وجلب الغُمــة  -  خربهــــا ليـــه؟

غرق المركب مش فى دماغو    وإن ســــاقه غيره   يُِوَلّـــع فيــــه

 

بقيت عصـــاية ماسكها فـ إيده    وظُلـم وبطش   بقيت كــدا ليــه؟

أنا مأمور لسعــادة الجانـــــى     ولو ضاع حقّى أنا ح أعمل إيه؟

وغضب شعبى وِغضب ربى     وكتـــرة ذنبـــى    مقابــل إيــه؟

الشعـب دا أهلـــى واللهُ ربّــى     إن قولت الحق  راح أخسر إيه؟

 

شرف الظابط كلمـــة حــق        ولو خان شرفه ح يكسب إيــه؟

راح أقول الحق ومليون لأ         دا شعبنا حُرّ     قراره فـ إيديـه

رب أعنـّـى أنصــر بلـــدى        وأرجّع حــق    الشعـب دا ليـه

أنا فدا واجبى وفِدا نِدا ربّى         وشعبى ووطنى  بروحى أفديه

سلاحى فإيدى سلاح ف الحق     ورفع الظلم     دا عمل أنا ليـه

تحيـــا مصر وليهـــا النصـــر    وشُرطــة بواسـل  أمنهــا بِيــه

 

أحمد الجَحَاوى

 

الأبيات التالية أكتبها تحية للسادة شرفاء رجال الأمن بعد إعلان موقفهم الواضح خلال إجتماعهم الاخير بنادى الشرطة بمدينة نصر.

 

 

أنا كان عهدى ويّا الحـــاكم       تابـع له ومصيرى فإيديه

ضـد الشعـب وضـد الحـــق      وويّا الظلم وضهر أنا ليه

أشتم وأضرب وأسحِل وأتل       وأكون بس حماية للبيــه

ونظام فاسد خادع كــــاذب        جاهــل إللـى يمجّد فيــه

سرق الحلم وخطف الثورة        وخان الحُلفا مُناصِريــه

 

ولاؤه أمريكا وِا حليفتهــا          وزعل المصرى دا طظ فيه

أفل المصنع مشّى السايح          والمستثمر  -    خلّى إيـــه؟

عَيّن أهلـُـه   فـ كل حتّــة          وباع الدولــة    لـ مُريديـــه

 

لاعاد فيها أمن لا لاقيين لقمة     وقالوا دى النهضة دى نهضة إيه؟

شق الصــف  وفَتَن الأُمــــــة     وجلب الغُمــة  -  خربهــــا ليـــه؟

غرق المركب مش فى دماغو    وإن ســــاقه غيره   يُِوَلّـــع فيــــه

 

بقيت عصـــاية ماسكها فـ إيده    وظُلـم وبطش   بقيت كــدا ليــه؟

أنا مأمور لسعــادة الجانـــــى     ولو ضاع حقّى أنا ح أعمل إيه؟

وغضب شعبى وِغضب ربى     وكتـــرة ذنبـــى    مقابــل إيــه؟

الشعـب دا أهلـــى واللهُ ربّــى     إن قولت الحق  راح أخسر إيه؟

 

شرف الظابط كلمـــة حــق        ولو خان شرفه ح يكسب إيــه؟

راح أقول الحق ومليون لأ         دا شعبنا حُرّ     قراره فـ إيديـه

رب أعنـّـى أنصــر بلـــدى        وأرجّع حــق    الشعـب دا ليـه

أنا فدا واجبى وفِدا نِدا ربّى         وشعبى ووطنى  بروحى أفديه

سلاحى فإيدى سلاح ف الحق     ورفع الظلم     دا عمل أنا ليـه

تحيـــا مصر وليهـــا النصـــر    وشُرطــة بواسـل  أمنهــا بِيــه

 

أحمد الجَحَاوى

 

اجمالي القراءات 8086