فيديو- الحسينى للسيسي: مش هنبطل نقد

يوسف الحسينى

كتب- مصطفى محمود

الخميس , 23 اكتوبر 2014 23:55

قال الإعلامي يوسف الحسينى، إنه لا أحد فوق النقد، موجهاً رسالة للرئيس عبد الفتاح السيسى "أرجوك.. يتسع صدرك للنقد لأننا مش هنبطل نقد".

أضاف الحسينى ، خلال برنامجه "السادة المحترمون" على فضائية "اون تى فى " مساء اليوم، هتقولي مفيش حاجة كويسة بتحصل هقولك فيه وزير تموين فل ووزير استثمار فل، ومفيش خلاف وزير إسكان فل، وزير دفاع فلين مفيش مشكلة.
وبقية الوزراء؟.. راضي يا ريس عن وزراء "الزراعة، والتربية التعليم، والتعليم العالي، والري"، هو إيه اللي حصل يا ريس.. وراضي عن الداخلية يا ريس".
وتابع الحسيني حديثه للسيسي: "النقد لن يوجه فقط للمهندس إبراهيم محلب بصفته رئيس الوزراء، ولكن النقد يوجه لحضرتك لأنك رئيس الجمهورية المنتخب ولك كامل الصلاحيات.. حضرتك اللي طلبت المهندس إبراهيم محلب رئيسا للوزراء، وحضرتك اللي وافقت على تشكيل الوزارة.. يبقى هتتحمل أخطاء الوزارة دي معاه".
وطالب الحسينى ، الرئيس بدعوة الإعلاميين لعدم سب ثورة يناير ووصفها بالمؤامرة، واعتبار بعضهم سب رموز الثورة فخرا لهم، رغم أن الدستور وصفها بالثورة متسائلا: "هتحمى الدستور ازاى يا ريس من هؤلاء المذيعين؟، كل اللى احنا طالبينه انك تحمى الدستور وتطبق القانون، مقلناش سكّت الناس أو اغلق قنوات وإلا نبقى فاشيين، المسألة ان كل واحد يحترم دستور الوطن فيحترم الوطن ويحترم نفسه لكى نحترمه".