مات ابى ، وترك زوجة له ( زوجة أبى ) وأخ لى من الأب ابنها ، واخت لى من الأب ، بنتها . اخوى من الأب عنده 18 سنة والبنت عمرها عشر سنين . وأمهم افسدتهم ، واصرت على أن تأخذ حقها وحق ابنها وبنتها فى الميراث كله ، وفعلا تم تقسيم الميراث بالشرع والقانون ما عدا البيت بتاع العيلة . هم فى الاسكندرية فى شقة ورثوها . والفلوس اللى خدوها ضيعها الولد الخايب فى شرب البانجو ، وأمه بتسمع كلامه . والبنت المسكينة الصغيرة ضاعت فلوسها بكده . الولد الخايب وأمه عايزين حقهم فى بيت العيلة ، آخر حاجة ما توزعتش . عرضت عليهم حقهم بالشرع للولد والبنت والزوجة ، وقمت بتثمينه . وعرضت عليهم 90 الف جنيه لنصيبهم كله . الولد رضى وعايز الفلوس الكاش . أنا قلت انا حاحتفظ بحق البنت وديعة فى البنك لما تكبر عشان ما يضيعوش حقها زى ما حصل قبل كده . اخوها وامها رفضوا ، بس أنا مصمم ، صعبان علىّ البنت . ما رأيك ؟