February 02 2012 20:30

عرب تايمز - خاص

تلقت عرب تايمز رسالة الكترونية من قاريء مصري ننشرها بعد اخفاء اسمه وعنوانه لحمايته مع استعدادنا لتقديمها كاملة للجهات الامنية المصرية او للسفارة المصرية في واشنطون .. وهذا نص الرسالة

الاستاذ رئيس التحرير
بعد التحيه 
اسمى (.........) و اعمل بفنادق الباتروس بالبحر الاحمر .. و اريد ان ارسل لكم معلومات مهمه خاصه بحادث بورسعيد وهى انه فى يوم 26 يناير الماضى قام مدير الفندق الفندق بحشد  و تجميع اكثر من 70 شخص  يعملون معنا بالفندق بوظيفة كاجوال يعنى بدون تثبيت ووعدهم باعطاء كل واحد 200 جنيه و السفر على حساب القريه  لتشجيع النادى المصرى فى بورسعيد و انهم لازم يعاونوا مشجعين بورسعيديه  مع ناس تانيه جايه من الاسماعيليه و سمعت منهم انهم هيسافروا الاول ل فيلا بجوار فيلا رئيس الوزراء احمد نظيف تابعه لمستر كامل ابو على و بعدين هيطلعوا على بورسعيد

 لذلك ارجو من سيادتكم ارسال اى صحفى من طرفكم الى الغردقه الى سؤال اى عامل منهم و ايه اللى حصل معاهم فى بورسعيد و ليه فى ناس منهم رجعت مصابه و الكل خايف يتكلم عشان عارفين سلطه مستر كامل هنا و ان مدير الامن و ظباط الشرطه العسكريه الكبار كل يوم معزومين فى فندق دانا بيتش  و طبعا لو حد اتكلم عارف هيحصله ايه بدليل لن الواحد فينا بيشتغل 16 ساعه متواصله فى كل الاقسام و اللى بيفتح بقه بيكون جزائه الطرد و وكده كده بيكون ماضى على استماره الاستقاله فى نفس توقيت امضائه على عقد العمل

 انا ترددت كتير قبل ما اكتب لحضرتك الايميل ده  لانى انا برضو ماليش مصدر رزق غير شغلى فى الفندق لكن لما شفت حالات الوفيات و الاصابات اللى حصلت فى الاستاد حسيت انى بكون مشارك فى الجريمه دى لو ما اتكلمتش و السلام عليكم و رحمة الله