فيديو ساخر.. هتلر يبدي إعجابه بفكرة اللواء كاطو لحرق المتظاهرين في الأفران

كتب – علي خالد :

تداول نشطاء على فيسبوك وتويتر فيديو نشره ناشط يدعى “دردوش” على يوتيوب يسخر من دعوة اللواء كاطو لحرق المتظاهرين في أفران الغاز .. والفيديو عبارة عن خطبة قديمة للنازي هتلر مع ترجمة ساخرة يبدي فيها إعجابه بالفكرة.. ويقول ” أنا النهاردة اكتشفت واحد مصري معجب بالأفران بتاعتنا وعاوز يجربها هناك عندهم في مصر

وتضيف الترجمة الساخرة لخطاب الفوهلر الألماني ” الراجل ده عجبني قوي وبأفكر أجيبه يشتغل معانا لأني واثق أنه هيعمل شغل عالي قوي هنا . .. ويواصل ” أنا بصراحة يا رجالة اكتشفت إني حمار ومبفهمش .. بدل ما نضيع وقتنا ونتعلم أنا هجيبه هو يعلمنا لأنه فاهم الصنعة كويس .. هجيبه يعلمنا إزاي نضرب المتظاهرين .. أزاي نحدفهم بالطوب .. وبعدين نولع فيهم بعد كده في الفرن ” ويواصل ” أنا والنعمة باشكر ربنا على أنه بعتلي الراجل العبقري ده “

ويختتم هتلر خطبته بتحذير إحدى الجلسات في” المؤتمر الصحفي” عفوا الخطبة قائلا ” أنتي يا ولية أنتي ياللي في الأخر أيوة أنتي لو اتكلمتي تاني أنا هاطردك بره ياللا اترزعي مكانك “

شاهد رابط الفيديو :

http://www.youtube.com/watch?v=5UQRqK-rLq4&list=UUOX8lLwtdlUja12S_scAH7g&index=1&feature=plcp