ماهينور المصري :عايزين يعملونا وردة في عروة الجاكيت للنظام

الخميس ٢٥ - أبريل - ٢٠٢٤ ٠٤:١٨ صباحاً

English | عربي

اضيف الخبر في يوم الإثنين ٢٢ - سبتمبر - ٢٠١٤ ١٢:٠٠ صباحاً. نقلا عن: بوابة يناير

ماهينور المصري :عايزين يعملونا وردة في عروة الجاكيت للنظام

كُتب في: 22 2014 , ( 54 : 10 ) |

مقالات متعلقة :

هند نافع

وصفت الناشطة السياسية ماهينور المصرى خروجها من السجن أمس عبر صفحتها الشخصيه على موقع التواصل “فيسبوك ” قرار محكمة الأسكندرية بوقف تنفيذ عقوبتها بأنه “وردة فى عروة الجاكيت للنظام”.

وأضافت :”عدنا بعد التايم شير في بورتو الابعدية …ومعلش حقرفكم تاني .. أول لما عرفت موضوع وقف التنفيذ انتابني شعور بالرعب شديد”.

وتابعت :” الحقيقة انا لما قررت أحضر جلسة معارضتي كانت عشان نبين مش بس ظلم قانون التظاهر و لكن كمان عشان نبين للناس أن النظام مش بس استبدادي و لكن كمان مش عارف بيعمل ايه .. طبعا ناس حتقولي خللي عند اهلك دم دول لسة مطلعينك و الحقيقة ده موضوع بياكد وجهة نظرنا أن الموضوع كله مسيس ومالوش دعوة لا بقانون ولا بجلب استقرار لأنهم بكل بساطة عايزين يعملونا وردة في عروة الجاكيت للنظام يطلعوا كام شخص برة السجن وكأن النظام ديمقراطي في حين أن فيه آلاف في السجون”.

واستكملت :” أصل ايه المنطق أن لؤي وعمر حاذق واسلام حسنين وناصر أبو الحمد يتأيد عليهم الحكم بسنتين وأنا انزل ل 6 شهور وبعدين آخد وقف تنفيذ مع اننا في نفس المركز القانوني !! المهم أن طبعا الضغط اللي عملاه حملات زي جبنا اخرنا والأمعاء الخاوية بيجيب تأثير ولازم نضغط لإخراج كل المعتقلين المظاليم “.

وطالبت بالحرية لجميع المعتقلين :”الحرية لعمر حاذق و لؤي القهوجي و اسلام حسنين و ناصر أبو الحمد و محمد سلطان و محمود نصر و دومة و عادل و ماهر و أمام و ابراهيم اليماني و سناء سيف و سار سلام و ناهد بيبو و سماح سمير و اسماء حمدي و هنادي محمود و الاء محمد و عفاف أحمد و رفيدة إبراهيم و فاطمة نصار و هبة سامي و السيدة فودة و وداد كمال ..مضيفة : الحرية لكل المعتقلين .. لا تخافوا من الذين يحبسون الجسد .. مش خايفين و مكملين

اجمالي القراءات 1284