بالفيديو.. طالب للمجلس العسكري: حق سميره مش هنسيبه.. والبلد دي هتتغير حتى لو التمن موتنا

السبت ٢٠ - أبريل - ٢٠٢٤ ١٠:٤٥ صباحاً

English | عربي

اضيف الخبر في يوم الثلاثاء ١٣ - مارس - ٢٠١٢ ١٢:٠٠ صباحاً. نقلا عن: البديل

بالفيديو.. طالب للمجلس العسكري: حق سميره مش هنسيبه.. والبلد دي هتتغير حتى لو التمن موتنا

elbadil | March 13, 2012 | التصنيف : أخبار, الرئيسية, مجتمع

الطالب: حق سميره هنجيبه يا إخوان ويا سلفيين يا بتوع ربنا .. اوعو تكونوا فاكرين إن احنا يئسنا أو معندناش أمل

كتبت – مروة علاء:
تداول نشطاء علي موقع التواصل الاجتماعي فيسبوك مقطع فيديو تم بثه على موقع يوتيوب بعنوان “رسالة طالب إلي سميرة إبراهيم” أكد خلال الطالب تضامنه مع سميرة إبراهيم صاحبة قضية كشف العذرية، معرباً عن استنكاره من موقف الإخوان والسلفيين بعد الحكم ببراءة المجند المتهم من “كشف العذرية”.
وأضاف قائلاً: “حق سميره مش هنسيبه .. حق سميره هنجيبه يا مجلس عسكري .. هنجيبه يا مشير لأن التراب اللي بتمشي عليه أطهر منكم وهنكمل قضيتنا وهنسقط العسكر”.. وتابع: “حق سميره هنجيبه يا اخوان ويا سلفيين يا بتوع ربنا .. اوعو تكونوا فاكرين إن احنا يئسنا أو معندناش أمل”، وأكد قائلاً “البلد دي هتتغير حتى لو تمن التغيير ده موتنا”
وتوجه الطالب خلال الفيديو بالتحية لسميرة التي وصفها بـ”المناضلة اللي وقفت وقالت للظلم لأ وللعسكر لأ في وقت كنا فيه مصدقين كذبة المجلس”.. واشاد بشجاعتها ووطنيتها، ولفت إلى إن سميرة أفضل “من شباب وبنات كتير طول الوقت علي الفيس بوك يعملو شير لفيديوز”
وتوجه الطالب بسؤال لجماعة الإخوان: “ليه لما روحتوا مجلس الشعب بعتوا القضية؟.. وانتقد في الفيديو موقف السلفيين الذي قال عنهم “أقاموا الدنيا” من أجل فتاة قيل إنها أسلمت ومتحتجزة في إحدى الكنائس.. وأين هم من قضية سميرة.
وتابع الطالب: “كنا متعاطفين مع الإخوان المسلمين أثناء إعتقالهم في السجون والأن وبعد دخولهم البرلمان باعو القضية“.. واستكمل قائلاً “لما السلفيين والإخوان كانوا بيسألوا إيه اللي منزلها الميدان وملبسهم عبايات بكباسين”، في إشارة لست البنات وأضاف: “ نزلوا عشان ملاقوش راجل يدافع عن حقهم ولو بنت من الإخوان كانت هي اللي اتكشف علي عذريتها كانوا عملو إيه ولو بنت من السلفين كانت اتسحلت كانوا عملو إيه”
يذكر أن الطالب قد طالب في ختام الفيديو بمشاهديه ألا يقوموا بعمل “شير” أو “لايك” للفيديو، وشدد عليهم ضرورة النزول ومساندة سميرة في قضيتها.

شاهد الفيديو: