ابى وعمى وأختى

الخميس 02 مايو 2019


نص السؤال:
ابويا الله يرحمه بقى كان غنى وصاحب عمارة وموظف كبير فى الحكومة ، لكن كان بخيل ، عيشنا فى الفقر ، وأمى كانت أبخل منه ، حرمونى فى طفولتى من كل حاجة أشوفها مع الاطفال اللى فى سنى. أختى الوحيدة اكبر منى بعشر سنين وهى ابخل من ابويا وامى . تخرجت وبقت محامية ، ومتفرغة لرفع قواضى على السكان فى عمارتنا ومتخصصة فى الأذية . عشت معاهم محروم ومكروه . مرة ابويا بعتنى اجيب الايجار ، لقيت فى ايدى حوالى ألف جنيه وميتين جنيه رحت لمطعم واكلت اللى فى نفسى وقلت يحصل الى يحصل . ابويا طردنى من البيت وعشت كام يوم عند عمى . وعرفت منه ان ابويا مقاطع أهله لانه بيحس انهم طمعانين فى فلوسه . وشفت عمتى اخت ابويا الشقيقة وتشبهه تمام وبكت لما شافتنى واخدتنى بالحضن ، وابويا كان مقاطعها عشان جوزها . تعودت ازور عمى وحبيت بنته الوحيدة بنت عمى ، وعمى وعدنى بالزواج إذا خلصت الجامعة ، وعشان خاطرها اجتهدت وخدت بكاريليوس التجارة بتقدير جيد . وابويا بالواسطة عينى فى شركة حكومية ، وبقى لى مرتب كويس فى اول تعيين . قلت لابويا ان انا عايز اخطب بنت اخوه رفض بشده ورفضت أمى واختى . وهددونى بالطرد من البيت . بت البيت وعشت مع عمى فى شقتهم ، وخطبت بنت عمى وابتدينا نجهز حجرة لنا فى شقتهم. وإتجوزنا وابويا وامى واختى قاطعونا فى الفرح وبعده . ثم عرفت ان ابويا مات فجأة . وجاء وقت توزيع الميراث . لقيت أبويا كتب كل ثروته باسم أختى المحامية عشان تحافظ على التركة وفرض عليها تعطينى مرتب شهرى . أنا إعترضت قالت لى اخبط راسك فى الحيطة . وقالت لى امى اشرب من البحر . اختى متعقدة وعشان كده بقت عانس فوق الاربعين سنةمن غير جواز ، العريس اللى كان يتقدم لها زمان تقول انه طمعان فى فلوسها . من زمان مفيش حد تقدم ليها وده زادها حقد على الناس . وزاد حقدها جوازى من بنت عمى اللى اصغر منها بعشرين سنة . دلوقتى انا عايز ميراثى اللى فى ايد اختى .. أعمل إيه ؟
آحمد صبحي منصور :

يبدو ان عمك استغلك فى خصومته مع أبيك ، وهو عارف انك ابنه الوحيد الذى سيرث معظم التركة بعد وفاة ابيك وامك .

عموما عليك بالصبر وانس موضوع الميراث . وإعتمد على نفسك . وربما تموت أختك وانت ترث كل شىء . 



مقالات متعلقة بالفتوى :
اجمالي القراءات 724
التعليقات (1)
1   تعليق بواسطة   عثمان محمد علي     في   الخميس 02 مايو 2019
[90851]

لا تُكرر مع أختك ما فعله والدك مع عمك وعمتك .


الأخ الكريم صاحب  السؤال .نتمنى الا تُكرر مع أختك  ما فعله والدك من قطيعة مع عمك وعمتك . ونتمنى ان تكون أخا وسندا لها فى حياتها مهما كانت وجهة نظرها فى الحياة وفى المواريث ، وأحمد ربنا أن ليس لها زوجا غبيا شريرا كان او يكون سببا خارجيا فى القطيعة بينكما .فبالتقرب لها بالمودة والكلمة الطيبة والصبر على تصرفاتها معك سيجعل لله من عُسركما فى علاقتكما يُسرا ، وتأكد أن قيمة إيجار العمارة الآن لا يساوى ولا يكفى ثمن وجبة واحدة (كباب )  مما كنت تتمناه فى الماضى  .  أختك ربما تكون مريضة نفسيا ،وسيزداد مرضها كلما تقدمت فى العُمر وهى وحيدة فكن أنت سببا فى علاجها ومؤانسة وحدتها ،ولا تُعايرها بأنها (عانس -تعيش حياتها وحيدة منعزلة عن الناس  ) وإملأ عليها حياتها بك وبأولادك وأعمل على تقارب وتقريب زوجتك (ابنة عمها ) وعمك لها ولم شمل الأُسرة  ، وطُظ فى الدنيا وما فيها من مواريث أمام العلاقات الأُسرية الطيبة التى تبغى بها وجه الله ذو الجلال والإكرام فى الدُنيا والآخرة .  



أضف تعليق
لا بد من تسجيل الدخول اولا قبل التعليق
تاريخ الانضمام : 2006-07-05
مقالات منشورة : 4382
اجمالي القراءات : 41,143,111
تعليقات له : 4,658
تعليقات عليه : 13,551
بلد الميلاد : Egypt
بلد الاقامة : United State

مشروع نشر مؤلفات احمد صبحي منصور

محاضرات صوتية

قاعة البحث القراني

باب دراسات تاريخية

باب القاموس القرآنى

باب علوم القرآن

باب تصحيح كتب

باب مقالات بالفارسي


إبنى مراهق: كيف يمكن التعامل مع احد ابنائي في سن مراهقته مع عصبية زائدة حتى انه لا يسمع حتى النصح...

الشهداء فى القرآن : من هو الشهيد في القران؟ وهل يمكن ان يكون من هو غير مسلم شهيدا؟ وهل ينطبق على قتلا تفجيرات...

عن لحظات قرآنية : فی حلقات برنامج لحظات القرآن 40;ه تفضل بی بیان فصل...

القيم العليا و الدين: هلى يمكن للانسان ان يصل الى حقيقه العدل او حقيقه الحق او حقيقه القيم العليا من ذاته دون ان...

العم والعمات : ( يا ايها النبي انا احللنا لك ازواجك اللاتي اتيت اجورهن وما ملكت يمينك مما افاء الله عليك...

ذكر الله فى كل وقت: هل يجوز أن اذكر اسم الله فى التبول والتبرز ؟ وهل يجوز أن أذك اسم الله وانا أجامع زوجتى ؟ ...

مسألة ميراث: ماتت امرأة وتركت بنت واخت واولاد الاخ من زكور وايناث فما هو الميراث الشرعي لكل منهم...

القتال الدفاعى: قال الله جل وعلا ( وَقَاتِلُو ا فِي سَبِيلِ اللَّهِ وَاعْلَمُو ا أَنَّ اللَّهَ...

لا بد من الفاتحة : في القرآن(فاق رءوا ماتيسر من القرآن...) ولم يحدد بالذات سورةالفاتح ة.مارأيك في...

عن الدفن من تانى: ما قولك يا استاذ فى دفن المرأة فى قبر رجل غريب عنها ؟ وفى دفن مسلم فى مقبرة للمسيحيين او...

تشريع الزكاة : نريد موجزا لتشريع الزكاة فى القرآن الكريم ....

نشز / نشاز/ نشوز : هل يوجد فرق بين " نشز " ونشوز .. نشز :ففي الاية الكريمه " وَإِذَا قِيلَ انشُزُوا فَانشُزُوا...

الأشهر الحرم : ما هي الأشهر الحرم من سيادتكم من خلال القرآن فقط ؟ ...

معنى الهجص: سلامي الحار إلى جميع المسؤولين والمشرفين على هذا الصرح الإعلامي النقدي التنويري الهام...

هجص التراث: السلام عليكم يادكتور منصور : فى سورة الأنعام آية 159 قال الله سبحانه وتعالى عن اليهود...

more