دكتورة، لماذا غبت عن الموقع؟ شو صار؟ كنت عم تكتبي مواضيع أكثير مفيدة لإلنا نحن الفلسطين و كنّا عم نتناقش انا و الشباب رفقاتي بدون منعاق عالمقالات، نتناقش بيناتنا لأنك بتكتبي بهدف الشرح و التنوير عفكر الإسرائليين و اليهود حتى يسهل التواصل معاهم لأنو بالفعل هم فموقع قوة و نحن عمنموت ألف مرة من الحصار و المقاومة يللي مايتقال بس أتهيج اسرائيل ضدنا. وًكمان قلت إشي و الله براڤو عليك أنو ولا رمز ديني إسلامي إجا و عزانا فشهدائنا و لا سوٌى صلاة غائب تنشعر انو الأزهر عم يبكي علينا لكن هون بالمستعمرات بجانب الضيعة بس ينقتل حدا عيد فلسطيني فورا يجي الرباي و ممثل البيعة و المجلس الديني تيقدموا التعازي، طيب ليش ارواح ابنائهم غالية عندهم و نحن لا؟ ما ينفع نقاومهم و حتى السامرين يللي كتبت عنهم كأنك عايش معاهم فلسطنيين ضد الإحتلال بس ما بيقاومو و راضيين بالإحتلال حتى يجي المخلص المسيح و بيحترمونا و بيصلوا على الرسول محمد. بس ليش توقفت عالكتابة؟ الظاهر أنك اتخذت موقف لأنو مافي أستاذ جامعي ساعدك بماقالات للطلاب الجامعيين مع العلم أنو الموقع بيزخربكتاب من كل الشعب الأكاديمية بس للأسف ماحادان فكر يكتب إشي يساعدنا بالفحص و كنت الأولى و انا و الشباب طبعنا مقال " كيف تكتب موضوعا أكاديميا للطلبة الجامعيين" و طبقناه فبحث الأسبوع اللي فات. حتى قيمة التبرع ما زادت مع انك ناديتي بدولار واحد بس

نحن طلبة عمنحضر رسالة ماجستير و عم نصرف من المنحة للدراسة و عم مساعد عوائلنا و إلا كنّا ساعدنا الدكتور صبحي. بس نتخرج و نكمل معاه. دكتورة، اكملي مقالات على مقارنة الأديان و ياريت تستجيبي لهالطلب: " الأحمدية القديانية" يللي عدنا بفلسطين، عمنيمع إشيا كثير و انو عندهن نبي و قريت بهالموقع عليهم بس كان من باب المقارنة و طويل جدا ياريت لو تسرحيلنا بإيجاز عفكرهن بطريقة حيادك المعتادة حتى نفهم . هلاق أنا عمفرق بين فكرو لزميلي الأرمني الأرثدوكسي و حارتنا المسيحية الأرثذوكسية . طلب أخير، صديقي ما بيفهم ليش الدروز مرة يقولون عنهم مسلمين و مرة يقولون عنهم كفرة؟ و كيف ممكن تكوني إسرائيلية العرق بس مسلمة؟ ربنا يجازيك عوقتك و جهدك و عكسرك للصورة النمطية يللي موجودة بالشرق على بنات شمال إفريقيا .

نحب نشكر الدكتور صبحي لاختارو لكتاب بمستوى رفيع مثل فكرو الرفيع و الدكتور عثمان يللي سجلني. ما يزعلوا الكتاب الآخرين لأنو كل واحد بمجال اختصاصو و أكيد إلو معجبيه، بس نحن الفلسطينين بدنا نفهم فكر عدونا لأننا مللينى من خطب و كتابات عالجهاد و المقاومة يللي خسرنا فيها الأحبة و الغاليين.

عندما تشاهد القنوات الفضائية ترى قنوات تكاد تكون شخصية كقناة ( الفراعين لعكاشة ) و ( العودة لسلمان العودة ) يا ترى كم كلفة اسئجار نطاق لقناة فضائية ؟ أتمنى أن نساعد الدكتور أحمد صبحي لإنشاء قناة فضائية و تخصيص قسم مالي فيها يعني بالدعاية و الإعلان لتمويل القناة لما لا .

فإن لم نستطع فلا يكلف الله نفسا إلا وسعها و هو جل و علا المستعان و اليوم أصبحت وسيلة اليوتيوب و سهولة تصوير و رفع المادة الفلمية في الموقع من أيسر الأمور و أعتقد أن خطب الجمعة بداية لتحول نوعي لا بد أن يثمر عن قناة بحجم فكر الدكتور أحمد و الله المستعان و هو جل و علا المعين أتخيل قناة بها برامج تناقش و تطرح كتب الدكتور أحمد و مائدة حوار ثقافي راق و إعادة كتابة و نشر ندوات رواق بن خلدون و إستقطاب القرانيون الحقيقيون إلى هذه الشاشة و نرى رواد الموقع يتحدثون و يتحدثون .

ليس ذلك على الله بعزيز .