أخونا الكبير أكل معظم الميراث ، وترك لى ولأخوى الأصغر أقل من نصيبنا الشرعى بحجة انه صرف على تعليمنا . مع انه تجوز وصرف فى ليلة الفرح اكتر من اللى صرفه علينا ، وكان طايح يصرف من رقيب ولا حسيب . وطلعنا من الميراث بالقليل . وبالقليل ده كافحنا حتى اصبحنا أكثر منه ثروة . ثم مرض أخوى وقبل أن يموت كتب لى كل شىء بيع وشرا . المرحوم اخويا لا وريث له سواى أنا واخونا الكبير . وهو عايز ياخد فى تركة أخويا زيى تماما . عرفته أن اخونا كتب لى كل شىء جاب لى فتوى بأن حقه النصف زيىى . قلت له موافق بس ده فى التركة واخونا ما لوش تركة . والبيع متسجل رسمى . قال انه تحايل ، ويخالف الشرع . قلت له أعلا ما فى خيلك اركبه . بعدها وقع مريض . ساعات ضميرى بيعذبنى . ومش عايز أكون ظالم زى أخويا الكبير . أعمل ايه يا دكتور .