التهمه قرآني
التهمه قرآني !!

داليا سامي في الجمعة ٢٢ - أبريل - ٢٠١٦ ١٢:٠٠ صباحاً

اتولدت قالولي سنية , من غير خيار لية !
سألت واية سنتكم ؟ واى تكون شريعتكم ؟ 
قالوا كل خير .. 
دي احاديث الحبيب ,, اللي الفؤاد بيه يطيب .. والقمر من حسنة يغيب 
والدعاء بإسمه مجاب و من خسر شفاعتة خاب والمسلم في حبه داب 
قولتلهم حبيبي داااا يا رسول الله .. 
وبدات اقري السيرة والاحاديث ... فصرخت يا مغييييييث 
هو كان عايز ينتحر ؟ وبيقولوا كمان اتسحر !!!
ويقول ألفاظ سوقية وحاجات كمان نابية !! 
وينكح كمان طفلة ,, وفى حجر واحده يغفي !!
ويحارب لغنيمة وجواري ,, وميمنعش م السراري !!
ودي رضاعة كبير .. وكمان بول بعير !!!
مئات المهازل والمصائب ,, ويقولوا عليها مناقب .. 
قولت مش معقوووول ,, دي سيرة الرسوول 
دي بتخالف القرآن !! وبتهدم في الإيمان 
اتغيروا فى ثانية .. والغضب ملي الدنيا 
دي بتنكر الاحاديث ,, ومش بتؤمن بالتدليس !!
قولتلهم اقروا كلام الله .. وانتوا تعرفوا المفتري :( 
وحيقولهالكم الرسول ,, جعلتم القرآن مهجور 
احتدوا فى الكلام ,, وخرجوني من الاسلام .. وافتروا على كمان ,,,
 دي صليبة موشومه .. ويهودية ع جدودها مكلومه  ..
 ومجوسية مأجورة .. وشيعيه موتورة !! 
حيجي اليوم الموعود ,, وكل الانبياء شهود ,, 
وكل اللي عليها فاني 
حقول يارب ظلموني !! حقول يارب عادوني !! 
والتهمه قرآآني .. التهمه !!! " قرآني " .... 
اجمالي القراءات 7118