بلاغ يتهم قوة من مباحث الشرابية بتفتيش طفل عمره 4 سنوات وتجريده من ملابسه في الشارع
27/03/2009
الطفل : «لما أكبر هاطلع ظابط عشان أفتش الناس زي ما عملوا معايا وفتشوني أنا وبابا» كتب: رامز صبحي
"عايز أطلع ظابط لما أكبر عشان أفتش الناس زي ما عملوا معايا فتشوني وفتشوا بابا".. هكذا تحدث الطفل إسلام سامي بدوي (4 سنوات)، معلقا علي توقيفه علي يد قوة من مباحث قسم الشرابية. أضاف إسلام: "كنت رايح أجيب حاجة من البقال اللي جنب البيت مع بابا، وجه 3 من البوليس ووقفونا وفتشوني أنا وبابا .. وخدوني بعيد عن بابا وقلعوني الجاكيت والبنطلون وقالوا لي هات الحاجات اللي بابا إديهالك عشان تخبيها ، فعيطت وقلت لهم مش معايا حاجة، وبابا حاول ياخدني منهم بس حاشوه بعيد". وقال سامي بدوي (35 سنة) والد الطفل: "مباحث الشرابية أوقفتني وإسلام وطلبوا البطاقة، فأظهرتها لهم، وفوجئت بأحدهم يفتشني بحثا عن شيء مجهول فصرخت فيهم دا مش قانوني، فسحب اثنان منّي ابني لتفتيشه ونزع ملابسه ولم أستطع تخليصه منهما". وأضاف سامي:" اتصلت بأحد ضباط مباحث الشرابية فوجدته في الاستاد لتأمين مباراة الأهلي، فتوجهت للقسم وحررت المحضر رقم 555 بتاريخ 15 مارس ضد الأمناء الثلاثة الذين أوقفوني وابني وفتشونا، وأرسلت فاكسات لمديرية الأمن".
وتابع والد الطفل: المشكلة في حالة ابني النفسية التي ساءت كثيرا بعد أن تعرض لهذه الإهانة في الشارع وأمام والده، ولا أعرف ماذا أفعل حتي الآن"